Turn2us - to access benefits & grants.

Beth i’w wneud os yw eich cais chi am fudd-dal yn cael ei wrthod, neu os ydych yn anhapus â’r penderfyniad ynghylch budd-daliadau.

Perthnasol i: Lloegr, Cymru, Yr Alban a Gogledd Iwerddon

Os nad ydych chi’n hapus am benderfyniad ynghylch eich budd-dal, mae nifer o gamau y gallwch eu cymryd. Gallwch wneud y canlynol:

• Ceisio dod o hyd i ragor o wybodaeth. Byddwch yn derbyn gwybodaeth am benderfyniadau ynghylch budd-daliadau drwy lythyr. Unwaith y byddwch yn derbyn hwn, gallwn ofyn i’r swyddfa budd-daliadau am esboniad dros y ffôn, neu drwy ymweld â’r swyddfa. Bydd y llythyr yn dweud wrthych am yr hyn y gallwch ei wneud. Os ydych am i rywun esbonio cynnwys y llythyr i chi, gallwch gysylltu â’r swyddfa a ddanfonodd y llythyr.    
• Gofyn am ailystyried y penderfyniad. Efallai bydd y penderfyniad yn cael ei newid o ganlyniad. Ar gyfer budd-daliadau, mae gennych fis o ddyddiad derbyn y llythyr penderfyniad, i ofyn i’r swyddfa ei ailystyried. Ar gyfer credydau treth,  gallwch ofyn i’r swyddfa i ystyried y penderfyniad eto ar unrhyw adeg yn ystod eich dyfarniad, neu os ydynt wedi gwneud camgymeriad, o fewn pum mlynedd i ddiwedd y flwyddyn dreth dan sylw. 
• Apelio  yn erbyn y penderfyniad, naill ai yn syth neu ar ôl i’r penderfyniad gael ei ail-ystyried. Mae apêl yn golygu bod eich budd-dal neu benderfyniad ar dreth yn cael ei drafod gan dribiwnlys annibynnol - mae’r aelodau sy’n gwneud y penderfyniad yn gwbl ar wahân i’r swyddfa sy’n gwneud y penderfyniadau. Os oes gennych yr hawl i apelio, byddant yn dweud hyn wrthych yn eich llythyr penderfyniad.

Mae gennych fis o ddyddiad y penderfyniad i gyflwyno apêl ar benderfyniad  ar fudd-dal a 30 niwrnod i gyflwyno apêl ar benderfyniad ynghylch credyd treth. Mewn rhai achosion, bydd apêl hwyr yn cael ei dderbyn. Efallai bydd angen help arbenigol arnoch er mwyn cyflwyno apêl.